Inditex, a novena mellor compañía do mundo

Inditex, Mapfre e Telefónica figuran entre as 40 mellores compañías do mundo, segundo o ranking elaborado pola consultora A.T.Kearney en colaboración coa publicación norteamericana 'BusinessWeek', que inclúe as empresas que na actual contorna de crise manteñen o seu liderado e seguen xerando valor.

En concreto, o grupo galego Inditex ocupa o noveno posto grazas ao seu modelo de negocio, baseado no consumidor, que lle permitiu lograr un gran liderado dentro "dun mercado saturado", segundo o informe, que destaca a súa estratexia multimarca e o seu modelo de internacionalización.

Mapfre, situada no posto 21, destaca pola súa estratexia de internacionalización en América Latina, así como pola súa recente aposta polos mercados dos Estados Unidos e Turquía. Ademais, a aseguradora desenvolveu alianzas estratéxicas con entidades financeiras como Caja Madrid, en España, e BBVA e Nossa Caixa, en América Latina.

O ranking está liderado por Nintendo, que se situou por diante das estadounidenses Google e Apple. O fabricante xaponés de electrónica lidera a clasificación grazas aos seus resultados e á súa "continua énfase" na innovación.

Máis